星期六, 5月 06, 2006
是日晚餐
學下亞wink，出個post寫下食晚飯。
煙鴨胸配xx汁，唔記得乜野汁，不過係酸酸地。好唔好食係其次，只要有想見既人。
用手機影。
小故事一則：
話說，個餐湯鹹到小丑呢隻蝗蟲都飲唔落，低哼兩聲然後把湯擱置於鄰桌空位，未有企圖或意圖作出投訴。
大慨因為夜了，餐湯被過份煎熬，就如大部分都市人一樣，水分流失，外強中乾。
未幾，一名便衣中年男子，面帶難色踏步向小丑，就問道餐湯用完了吧？小丑被男子一嚇，未及反應，只懂點頭稱是。
但說餐湯被中年男子帶到廚房轉角，刻下只聞咒罵埋怨之聲...小丑與友人相對望，但覺事有蹺稽。
良久，一名作廚子打扮，手托湯煲男子從廚房轉角走出，大步大步走的，直指前台放置餐湯之櫃位，把殘餘餐湯換掉。餐室一角，便衣中年男子對著小丑，微笑而面露得意之色。
不出所料，便衣中年男子乃係老闆，路過，聞得小丑對餐湯之低哼，未待小丑投訴已然作出行動。
小丑特此對便衣中年男子作出表揚，雖然餐廳不算高擋，(小丑那有去過高檔食店)，但一個小動作已經可以值得學習。要做就唔好等，唔做就唔好諗。
共勉之。
