星期六, 2月 26, 2005
只要有想見既人
今日涼左，唔再潮濕啦。
今晚去左佐敦長樂街尾個間"清湯牛肉"，shabu shabu，有d貴，不過值得。d野好好味，地方細，十零個位，多數係屬客同慕名而來既客人，環境清淨。最緊要係，要有想見既人。
然後，第一次見到佢屋企養既肥貓-肥波。唔知係咪我嚇親肥波，佢貓不停腳咁衝返屋入面...
今晚去左佐敦長樂街尾個間"清湯牛肉"，shabu shabu，有d貴，不過值得。d野好好味，地方細，十零個位，多數係屬客同慕名而來既客人，環境清淨。最緊要係，要有想見既人。
然後，第一次見到佢屋企養既肥貓-肥波。唔知係咪我嚇親肥波，佢貓不停腳咁衝返屋入面...
星期五, 2月 25, 2005
潮人
呢兩日，潮濕到牆都流水，地板又跣又污遭，行路都要小心。
阿Peg估我不擇手段，又憤世嫉俗，又騎牛搵馬。其實，我自己都唔知。我唔係教徒，不過我信生命自得其法，我無任何堅持，堅持只會限際自己。
以無限為有限；以無法為有法，截拳道既精神。
際遇控制了我們很多方面的發展，與及發唔發達。其實，生活得快樂已經好好啦，又何必強求好際遇呢。
阿Peg估我不擇手段，又憤世嫉俗，又騎牛搵馬。其實，我自己都唔知。我唔係教徒，不過我信生命自得其法，我無任何堅持，堅持只會限際自己。
以無限為有限；以無法為有法，截拳道既精神。
際遇控制了我們很多方面的發展，與及發唔發達。其實，生活得快樂已經好好啦，又何必強求好際遇呢。
星期四, 2月 24, 2005
元宵，一對新人，一班舊人。
今日收到張帖，一個舊同事結婚啦，恭喜佢。
一齊做野個時，有日吹吹下水，我同佢講，"你咁多女友，得呢個正正經經，似返個人，要娶就呢個啦!"，估唔到被我中。
佢呢餐，真係要飲，借個機會見返舊同事。計下，都三，四年無見。
今時今日，我都懷念當年個間公司。幾個初出茅廬既小子，一齊係個度開始另一種生活。有不擇手段，有憤世嫉俗，有騎牛搵馬等等等等，你地又估下當日我係點樣。
一齊做野個時，有日吹吹下水，我同佢講，"你咁多女友，得呢個正正經經，似返個人，要娶就呢個啦!"，估唔到被我中。
佢呢餐，真係要飲，借個機會見返舊同事。計下，都三，四年無見。
今時今日，我都懷念當年個間公司。幾個初出茅廬既小子，一齊係個度開始另一種生活。有不擇手段，有憤世嫉俗，有騎牛搵馬等等等等，你地又估下當日我係點樣。
星期二, 2月 22, 2005
新年新願望
今日係二月二十二日，農曆正月十四，聽晚就係元宵。
一向都懶寫野，無論個人定係工作，如果我無咁懶，可能唔會今日咁一事無成。
今年，真係要改變下。
男人，無啦啦咁講，通常都係為左女人同錢。中左一半啦，我係為左兩個女人同兩筆錢。
早幾日同媽媽返大陸，先發覺，好耐無仔細咁望下媽媽。佢面容同雙手，真係由印滿歲月風霜。突然，自責起來，"都係我無用...."，當時媽媽同其他親友談及新屋既錢銀安排。
媽媽個個年代，生活真係好艱難，一個窮字，已經令人頭痛，再加上生左我呢種懶惰既孩子，都唔敢諗佢既生活有幾煩。
今時今日，面對媽媽，真係唔知講乜好。
至於另一個女人，好明顯係一個未有親屬關係既女人，呢個故事，對於我個人黎講會開心D。不過未知結果，祝小弟好運啦，得閒再講，承Peg貴言，希望係好消息。
一向都懶寫野，無論個人定係工作，如果我無咁懶，可能唔會今日咁一事無成。
今年，真係要改變下。
男人，無啦啦咁講，通常都係為左女人同錢。中左一半啦，我係為左兩個女人同兩筆錢。
早幾日同媽媽返大陸，先發覺，好耐無仔細咁望下媽媽。佢面容同雙手，真係由印滿歲月風霜。突然，自責起來，"都係我無用...."，當時媽媽同其他親友談及新屋既錢銀安排。
媽媽個個年代，生活真係好艱難，一個窮字，已經令人頭痛，再加上生左我呢種懶惰既孩子，都唔敢諗佢既生活有幾煩。
今時今日，面對媽媽，真係唔知講乜好。
至於另一個女人，好明顯係一個未有親屬關係既女人，呢個故事，對於我個人黎講會開心D。不過未知結果，祝小弟好運啦，得閒再講，承Peg貴言，希望係好消息。
